Recent Posts

Pages: [1] 2 3 ... 10
1
Waar is jy? / AB waar is jy?
« Last post by PM on March 16, 2024, 10:16:13 AM »
Ek wonder of jy nou al soveel wenner wyne gemaak het dat jy my nie meer wil ken nie. Ek mis jou en die Kaap.
Kom vertel van jou wyn en waar kan 'n mens bestel.
2
Kom kuier saam / Re: Giggelgeel plesier!
« Last post by PM on March 16, 2024, 10:09:16 AM »
En nou het Tweetie 'n nuwe baas gekry. Uber en Bolt is my voorland.  Dit is nog goedkoper as lisensies, versekering, brandstof en onderhoud.  Wat 'n "cheep-cheep" manier om jou eie chauffeur te kry.
Geen meer parkeergeld en langafstand stap nie.  Laai jou reg voor die deur af en weer daar op.  :angel4:
3
JanDink se plek / Torre en narsacisme.
« Last post by Jan Dink on August 19, 2023, 07:02:00 AM »
Al ooit gewonder hoekom mense grootheids waan (narsasisme/Munchausen sindroom) kry?
Wel, dit het te doen met te veel dik torre en te veel extrovert torre saam.

As 'n dik tor aan 'n tou trek, dan hang hulle baie keer aan die tou, want hulle proppe sak te diep,
dus kan hulle voete bietjie uit die water kom as hulle aan die tou hang.  As hulle nou so hang,
dan skakel die skakelaar boo aan die tou te veel keer aan en af, wat tot gevolg het dat daar te
veel pulse gestuur word.  Dus as so 'n dik tor nou aan 'n tou gaan hang wat inligting oor jou
kwalifikasies vrystel, dan verander jou matriek sertifikaat sommer gou in 'n graad of doktoraat.
So nou verbeel jy jouself dat jy 'n doktoraat het.

Extrovert torre sit en wag tot jy ander mense ontmoet, dan spring hulle in aksie. 
Hulle wil graag he dat jy met die mense moet gesels en dus spring hulle op hulle proppe
en gaan trek die toue wat jou maak praat.  Sodra jy die impuls kry om te praat, dan moet
die ander torre ook in aksie spring om iets te vind wat jy kan se, so hulle begin te pluk aan
die toue wat inligting vrystel.  Jy het dan ander torre wat die inligting oor jouself se filters
beheer en as hulle te maer of ondervoed is, dan is daardie filters nie baie effektief nie en
dus begin jy inligting oor jouself vrystel of jy pas meeste van die inligting op jouself toe.
Omdat die torre wat die inligting vrystel meestal oorgewig is, word die inligting wat vrygestel
word erg opgeblaas en jy begin dus 'n groot klomp bollie oor jouself vertel.  Jy oortuig dan mense
dat jy die hoof was van een of ander instansie en almal wat jy ken belee ook 'n hoe pos en is
ryk en belangrik.  Jy begin later self oortuig raak dat jy die eerste persoon in SA is wat deur
NASA gevra is om na die internationale ruimte stasie te gaan om navorsing te doen oor die effek van
gewigloosheid op die Indiese olifant.  Maar ongelukkig kon jy nie gaan nie, want jou hele ruggraat
is vervang met titanium werwels en teflon skywe nadat jy die groot ongeluk gehad het toe jy die nuwe
Formule een motor vir Ferrari getoets het, dus kan jy nie meer in die ruimte gaan nie, want die
titanium bou te groot magneet velde op rondom die teflon skywe wanneer die skywe onder druk kom
van g-kragte wanneer die vuurpyl jou opskiet in die ruimte.  Jy kan in elk geval ook nie jou
mak olifant, Tipsy, oortuig om in die ruimte te gaan nie.

Nou is die volgende vraag natuurlik: Hoe kry jy te veel dik torre en onder gewig torre?  Dit is nou
weer die miere wat die kos voorsien aan die torre se skuld.  Die miere werk mooi uit presies
hoeveel kos elke tor benodig om optimaal te werk en dan work die korrekte porsie aan elke tor gegee.
Maar, wanneer een of meer van ide miere nie meer die regte berekenigs doen nie, dan kry jy torre
wat oorgewig en onder-gewig is.

So, hoe kan die miere dan so 'n foute begaan, hulle is dan noukeurig gekeur en streng opgelei om
die kos van die torre voor te berei?  Wel, die antwoord is dat partykeer stamp die miere hulle koppe
te vel in die kombuis en dan raak hulle deurmekaar en parykeer doen hulle permanente skade op
in hulle senuwee knope en dan werk hulle wiskunde nie meer so lekker nie.

As mens nou navorsing doen oor grootheids waan, dan sal mens sien dat mense met grootheids waan
gewoonlik as kind afgeknou is of een of ander trauma deurgegaan het.  Boksers en rof-stoeiers
ly ook baie keer an grootheids waan.
Dit is omdat mense wat aggekou is se kop in die toilet gedruk word of hulle word in 'n asblik
gestop of in kaste en so aan.  Wanneer dit gebeur word ei persoon se kop baie geskud en kry baie
stampe, net soos met boksers en rof stoeiers.  Wanneer die kop so geskud en gestamp word, dan
skud die arme miere so rond in die kombuis dat hulle alles tref en die potte en panne val op
hulle en so doen hulle skade op aan hulle senuwee knope.

Nou, in die geval van boksers en rof stoeiers, as die miere dan gereeld so geskud word, dan vrek
van hulle en die wat oorbly kan later glad nie meer reg dink nie en dus kan hulle nie meer reg
en genoeg kos maak nie en dus begin die torre ook vrek en ondervoed raak.  Dan gebeur dit dat die
torre nie meer die toue kan reg trek nie en mens kry die bokser wat met 'n dom uitdrukking
rondloop en nie reg kan praat nie.
4
Interaksie tussen Paxlovid en Warfarin:

Terugvoering: My voorgestelde INR telling moet tussen 2.5 en 3.5 wees (as gevolg van Pulmonale Hipertensie, DVT en Atrial Fibrillasie). 'n Week nadat ek 'n Paxlovid-behandeling vir Covid-19 voltooi het, was my INR vanoggend 1.7 en op advies van die dokter moet die dosis vir die volgende 3 dae verhoog word en dan terugkeer na die afwisseling van die normale dosis soos voorheen. Vrydag weer toets om seker te maak die telling is terug na voorgestelde mikpunte.
5
Covid-19 en Pulmonale Hipertensie: Verskil in simptome tussen Outop en myself.

Daar was 'n groot verskil tussen die simptome wat Outop ervaar het invergelyking met wat ek ondervind het. My eerlike mening was dat hy baie sieker was. My groot voordeel was die Anti Viral medikasie wat ek kon gebruik binne 24 uur vandat simptome begin het.

My eerste simptome was 'n vreemde hoes. Ek is gewoond aan 'n gekug en onbeheerste hoesbuie van PH. Hierdie was vreemd want ek het rooi wange gehad maar geen koors nie. En toe het die lyf- en gewrigspyne begin, was ek die derde aand vir die eerste keer bewus van benoudheid en ek moet noem, daar was al baie meer benoudheid met die asemdief. Of dit die rede, of die medikasie was dat hierdie pes meer gevoel het soos 'n nare griep, sal ek nooit weet nie.

Ek kon nog met niemand anders gesels met PH, wat ook Covid gehad het om dit te kan bespreek of vergelyk nie. My ore het gepyn, en koue koors het my soms drie keer per dag in die bad laat klim wat ook verligting vir die seer spiere en gewrigte gebring het.
 
My bolyf en maag het meer geswel as met PH en het op 'n stadium gevoel of ek 'n ballon gevul met sement in my ronddra. Die ouvrou het niesbuie ervaar wat my hele waterwerke ontwrig het en soms deur vier stelle nagklere gegaan in die proses.

Dit was die langste in my lewe wat ek in nagklere uit eie keuse deurgebring het. En ek moet blosend erken ook die langste wat Outop aan my voorkoms sonder oorlogsverf blootgestel was.
Daar was een dag wat ek 'n ligte keelseer begin ontwikkel het en 'n pakkie sout chippies het dit genadiglik gestuit.

Arme Outop het hierdie pes in sy volle glorie leer ken. Hy het oorspronklik gedink toe ons die Woensdagmiddag hier wegtrek om ons drie maande toer te begin, dat hy weer 'n sinusontsteking het.

Ons het na 140km besluit om te oornag en van slaap was daar geen sprake. Hy het net sieker en sieker geword. Die oggend het hy 'n covid toets gedoen en positief getoets. Ons het toe reeds besluit indien hy positief toets gaan ons dadelik omdraai en huistoe gaan.

Genadiglik was daar 'n hele week se voorraad in die wieletjieshuis asook noodvoorraad vir ingeval ons iewers oorstromings teekom en vasgevang word vir 'n week of so.
By die huis het hy die wieletjieshuis geparkeer, ons ander voertuig se battery weer gekoppel sodat ek vervoer het om die nodigste medikasie oor die toonbank te kan koop want ek het geweet, ons gaan altwee binnekort te siek wees.
 
Niemand mag by ons kom nie en ons is vasgevang in die pandokkie. Ons kinders wou met alle mag net kom help. Hoe stel jy as ouer jou kinders bloot aan hierdie vieslike virus? Ons het belowe dat ons sal laat weet indien dit regtig nodig word dat hulle kom help.

My arme Outop se neus was so toe dat hy vir drie of vier aande rondgedwaal het soos 'n gees. Net te benoud om te le en slaap. Later het hy klein rukkies regop op die bank of leunstoel gesit en dut. En toe kom die keelseer van alle sere. 11 dae later is my Outop nog steeds nie homself nie. Ons rus soveel as moontlik en net tyd sal leer of daar vir hom of myself, langdurige newe effekte gaan wees.

Een simptoom wat nie een van ons ervaar het nie was erge koors!

Ons was wel beide baie naar met tye en beslis verminderde eetlus en albei se smaak was aangetas. Beide 'n ligte hoofpyn ervaar met tye. Niks ergs nie.
Outop het in ligte maat self ook spierpyne ervaar. Hy sukkel nog steeds met sinus-tipe simptome. En die uwe het dit genadiglik vrygespring. Hoe geseend is ons nie. Ons lewe en kan getuig dat ons handgeskud het met 'n nare nare ding.

So het twee ou siele en die virus mekaar verpes. Ek kon nie enige PH simptome soos bv. hartritme-afwyking/kortasem/benoudheid toeskryf aan Covid-19 nie omdat dit vir jare reeds deel is van my leefstyl met die asemdief.

My bloedtoets sal Maandag wys in watter mate die Anti Viral medikasie die werking van Warfarin beinvloed het
6
Dag sewe met Covid het aangebreek en ek kon vir die eerste keer genoeg konsentreer om navorsing te begin oor die interaksie tussen die Anti Viral behandeling en Warfarin.

Belangrike inligting rakende Paxlovid (Anti Viral drug en interaksie met Warfarin)
Applies to: warfarin and Paxlovid (nirmatrelvir / ritonavir)


Ritonavir may both increase or decrease the blood levels and effects of warfarin. Early in your treatment with ritonavir, the interaction may be more unpredictable. However, beyond the first week or so of continued use, it is more common for patients to experience a reduced response to warfarin, which may require dosage increases. Talk to your doctor if you have any questions or concerns. Your doctor may be able to prescribe alternatives that do not interact, or you may need a dose adjustment or more frequent monitoring of your INR to safely use both medications. Call your doctor promptly if you experience any unusual bleeding or bruising, swelling, vomiting, blood in your urine or stools, headache, dizziness, or weakness.
https://www.drugs.com/.../paxlovid-with-warfarin-4326...

Vir meer inligting rakende Pulmonary Hypertension and COVID-19
https://pubmed.ncbi.nlm.nih.gov/34933375/


7
Covid-19 en Pulmonale Hipertensie (PH)

Opregte dank vir omgee julle  :notworthy: en op hierdie dankbare noot het die uwe, na ernstige oorweging, besluit om die volgende hoofstuk in ons lewe ook te dokumenteer na lang tye van stilstuipe.

Wat die pad vorentoe gaan inhou is vir my net so duister soos vir enige ander persoon op aarde. Ek het wel besef dat 'n pad met PH en Covid nie 'n maklike tog gaan wees nie en weereens is daar bitter min eerste handse inligting beskikbaar. Natuurlik was ons almal in die duister en het ernstige bedenkinge gehad oor hoe die gekombineerde simptome van Covid en PH my asemhaling gaan beinvloed.

My geliefde ou Meisiekindjie het dadelik begin reel sodat ek toestemming kan kry om die Anti Viral behandeling te ontvang. Na 'n telefoniese onderhoud met die plaaslike hospitaal-dokter is die voorskrif na ons apteek gestuur en kon ek dieselfde aand na ek die middag positief getoets het, begin met behandeling.

Op die dokter se aanbeveling moes ek oplet na verergde simptome soos hartkloppings, benoudheid tydens rus, brand in bors en dan onmiddelik die ambulans kontak.

Ongelukkig, soos wat meeste PH pasiente kan getuig is hierdie simptome alreeds vir jare deel van jou leefwyse. Wanneer is dit in die geval van jou huidige omstandighede 'gevaarlik'? Wat is daar om in oorweging te neem voordat jy jou hand uitsteek en die ambulans ontbied?
 
Ek moes daaraan dink dat Outop op daardie stadium reeds baie siek was met Covid en ernstige benoudheid ervaar het. Indien ek opgeneem word, sou ek oorgeplaas moes word stad toe. 'n Uur se ry van ons cowboy dorpie af.  Hy sou onder geen omstandighede in staat gewees het om te bestuur nie en was in self isolasie.

Die gedagte aan isolasie in 'n hospitaal kamer sonder besoekers en kommer oor jou man tuis, het die skaal vir my laat oorhel na 'bly tuis en hou verloop van dinge fyn dop'. My liggaam is reeds vir die afgelope nege jaar in 'n oorlog betrokke met onsigbare simptome wat min mediese personeel verstaan of ooit mee kennis maak. Die finale faktor was die kommer wat my kinders sou beleef oor hulle Dad wat nou ernstig siek en alleen is; die wete dat dit regtig sleg moes gaan met my om die ambulans te kontak.

En soos gewoonlik het die humorkruk my stut geword - my maatstaf vir wanneer om te weet die skaal swaai verkeerde kant toe: Die oomblik wanneer een van my ontslape familielede kom besoek afle, kry ek vlerke en vlieg self stad toe  :icon_bigsmurf: :angel8:

8
Kom kuier saam / Re: Anastasia kom groet sowaar
« Last post by Meraai vannie Baai on March 25, 2023, 10:14:45 PM »
Wat 'n verrassing! Ek het niks nuus ontvang oor Stof nie mater, so of dit waar is sal ek nie kan beaam of ontken nie. Adele is wel oorlede verlede jaar en haar dogter Elmien het my laat weet.
9
Hoendergeregte / Hoendergereg in een bak
« Last post by PM on February 22, 2023, 08:44:05 PM »
Hoendergereg

Bestanddele

6 porsies bene-in, vel aan hoenderstukke.  Ek het boutjies en dytjies gebruik
Kosher sout en vars gemaalde peper 
2eetlepels  botter
1  Pak cremini sampioene gehalveer
3 groot  shallotte, gekerf   
2takkies seldery, gekerf
3huisies knoffel, fyn gedruk
3 eetlepes meel½ koppie droge wit wine.
Behou die melk waarin die kruie en die hoenderstukke in geweek het.
500 gr baba aartappeltjies, gehalveer
1bay leaf 
¼ koppie volroom

AANWYSINGS

Voorverhit die oond tot 325 g F 
Ek gebruik 'n halwe teelepel van elk, maar doen soos wat jy daarvan hou:
Maak 'n mengsel van Hoenderspesrye, Rosemarie, cumin, mosterdpoeier, gemmer, kaneel, tiemie, basil, oregano en paprika en smeer dit aan die hoenderstukke en laat staan vir 30 minute. 

Gooi genoeg melk oor om dit te bedek en laat staan vir nog 1 uur.
Druk die hoenderstukke droog met kombuispapier.

Smelt die botter in 'n pan en braai die hoenderstukke tot bruin.

Voeg die sampioene, shalotte en seldery by en roer van tyd tot tyd tot die sampioene bruin is. Voeg sout en peper na smaak by. 

Voeg die knoffel by en roer vir 'n minuut of so.

Meng die meel in die mengsel en roer deur.

Roer die wyn in, meng die melkmengsel waarin die hoender gerus het in.

Voeg die aartappeltjies by. 
Plaas in die oond en laat kook tot die aartappels sag is en die hoender deurgaar is.
Roer die volroom in, voeg nog sout en peper by indien nodig en bedien.


As jy nie 'n oond het nie, kan jy die gereg op 'n plaat laat prut tot dit gaar is. 
Jy kan ook wortelstukkies en uie byvoeg as jy die gereg 'n bietjie wil rek.

Geniet dit.
10
Waar is jy? / Re: Toe spoel ons amper weg
« Last post by PM on February 01, 2023, 03:58:58 PM »
En hier is ek weer.  Nog n keer!  Na nog 'n vloed en twee keer se erenstige reën en dieselfde assessor wat die eis vir die skade afkeer!  Jou ou vetgat! Jy kan nie eers op die dak klim om te sien waar lê die probleem nie, maar jy wil vir my kom vertel dat na R180 000 wat ek aan die dak spandeer het, die stormskade as gevolg van "maintance" is wat nie gedoen is nie.  Jou arme sot!  Vra jy nog hoekom mense 'n helse hekel aan assesore het?
Die taksman vat net wat hy verdien, maar julle vat wat julle nie toekom nie!
Eish!   :mumum:
Pages: [1] 2 3 ... 10