Recent Posts

Pages: [1] 2 3 ... 10
1
Adéle se plek / Re: Ons mooi land brand
« Last post by Meraai vannie Baai on Today at 12:20:59 AM »
 :crybaby2:  :dontknow:  :color:
2
Adéle se plek / Re: Wie saad wil saai
« Last post by Meraai vannie Baai on Today at 12:20:29 AM »
Soos altyd, dankie baie baie vir die deel lief Adele.  :notworthy: :icon_salut:
3
Helpmekaar / Re: Demensie - Sambreel van 'n breinmoordenaar
« Last post by Meraai vannie Baai on Today at 12:19:32 AM »
Hierdie was by verre vir Outop en myself nog die mees skokkende openbaring en weergawe van presies hoe demensie jou beroof van menswees en die ongelooflike impak op die versorger. As jy gelukkig is om die rype ouderdom van 85 te behaal is jou kans om demensie te hê, 50%! Daar word elke drie sekondes iemand in die wêreld gediagnoseer met demensie en elke 66 sekondes word iemand met Alzheimer's gediagnoseer in die USA. Dit is seker een van die wreedste siektes en word beskryf as 'n 'faceless killer'.

In die onderstaande dokumentêr ervaar ons die impak van Malcolm wat op 51 jarige ouderdom met early onset dementia gediagnoseer was en die kyker kan die verloop van die siekte volg tot aan die einde.

https://www.youtube.com/watch?v=HYDxZQXYT5k&fbclid=IwAR1Ex7ldtVQ-FkpPui7SR9G9Rjd7YmtXGfEiZ48JtqR5zEOBrWz2pfAN1qM
Malcolm and Barbara: Love's Farewell (Alzheimer's Documentary) | Real Stories
4
Adéle se plek / Wie saad wil saai
« Last post by adele on October 22, 2020, 09:58:16 PM »
Lukas 8:8 En ’n ander deel het in die goeie grond geval en gegroei en honderdvoudige vrug opgelewer. Toe Hy dit gesê het, roep Hy uit: Wie ore het om te hoor, laat hom hoor!

Sondae was geblok, uit ons lewe uitgesny; selfvoldaan het satan sy hande saamgevryf, met sluwe oë sy tempeldeure oopgegooi … ‘n teater vir stories en vermaak met flikkerligte wat jou bedwelmende brein binnedring.

Soggens en saans vou ons ons Bybels oop, en met mening soek ons hulp vir die onbekende aanvalle van hierdie nuwe toekoms, onseker en grou. En ons gaan uit en saai saad, strooi handevol oor die naaste velde. Dan draai ons om na ons beskutte wonings, klipmure en deure wat ons met grendels sluit.

Môre stap ons regop en bekyk die wêreld om ons met ‘n reguit blik. Ons oë spoeg waarskuwings uit na elkeen wat nie die protokol van afstand navolg nie. Dan kom ons by die veld aan en soek na die nuwe plantjies. Sou ons kon droom dat daar geen sprietjie kan wees nie? Geskok, verstom … die laaste saadjies lê nog langs die pad, waar ‘n swerm vinke dit oppik. Met vol kroppies vlieg hulle nes toe; juig oor die oes waarvoor hulle nie gewerk het nie.

Later strooi ons nog saad uit oor die veld en draai dan terug na ons huise; forte met dik klipmure om, om ons af te sny van ons naaste langsaan. En gaan weer môre kyk hoe die nuwe plantjies lyk. Weer staan ons geskok, verstom … enkele groen sprietjies veg nog moedig voort, maar gou verdroog dit ook in die warm son, daar op die rotse waar amper geen grond is nie.

Ons strooi nog saad uit oor die veld en draai weer terug na ons huise; daar in die woonbuurt aan die hoër kant van die spoorlyn, met mooi tuine en groot skadubome. En môre loop ons om na die nuwe plantjies te gaan kyk. Die mat word onder ons uitgeruk; geskok, verstom … dorings, distels en kakiebos net waar ons kyk.

Uiteindelik dring die besef tot ons deur dat om net ligweg te weet dat Christus op aarde was, gekruisig is en ons sonde weggeneem het, alleen nie genoeg is as ons dit nie uitleef nie. Ons moet sy dissipels wees en uitgaan om die laaste saad in die sak te gaan saai. Dan sal ons môre met ligte tred en vreugde in ons harte, die groen plantjies vol bloeisels van die saad wat in goeie grond val, kan sien.

As ons nie in sy voetspore volg nie; nie sy liefde uitleef en oordra na ander nie; nie dissipels word wat vissers van mense is nie, dan gaan ons nie die nuwe Jerusalem binnegaan nie. Die hemelpoorte gaan vir ons nie oopgaan nie. Kortom, Jesus berei nie plek voor vir enige ander wat nie God se kinders is nie.

VaderHeer, ons smeek U om ons genadig te wees. Ons bly die sonde opsoek en doen wat ons nie wil nie, maar wat ons wil en moet doen, dit bly agterweë. Seën ons met nuwe moed en toerusting om dissipels te wees en aan almal naby ons, en die wat U na ons toe stuur, van U te vertel. Om Christus ontwil, amen amen Here.

adéle theron

Foto: Internet
5
Adéle se plek / Re: Ons mooi land brand
« Last post by adele on October 21, 2020, 08:31:50 PM »
Vanaand oorstroom die seer my hart
snak ek na lug wat verby my vloei,
asemteue wurg deur my keel
snik ek woorde sonder klank;
magsverslaaf aan veldrook en haat,
het hul in boosheid weer ‘n vuur begin.
 
En die aarde het verbrand!
geen heuwel, veld en vlei meer oor,
geen soetdoring om geel donsies
in die draai van somer te vorm,
geen riet of rooigras in ‘n sloot
geen groen sprietjie deur dou gevoed.

Verstikkende in rookwalms
wat elk windrigting trek
swart roet verpoeier tot stof,
sy voete tree oor verbrande aarde
sy hart krimp ineen oor die dood.
skoot op skoot eggo ten hemele
om vee en wild se lyding te stop!

Hoe, o God, en waarheen VaderHeer,
waarheen hiervandaan vorentoe?
en hulle wat bakhand voor jou staan
die wete ook hulle toekoms is gedaan
geen boerdery geen tuiste geen ete
die graanskuur is hier nie meer.

Wie gaan nou weer hier begin,
‘n boerdery opbou en in jul voorhuis
weer saans uit hul familiebybel lees,
saam bid en ‘n loflied sing?
want groot manne is moeg gehuil
die toekoms leeg, niks eers meer te vrees.

Maar na skemerdof herinner weer ‘n ster
aan ons boere se saamstaan en heropbou
as ons broos in donkergrot wou kruip.
genadig hande vat en op God vertrou
as ons trane oor Christus se voete vloei
en plaasgeluide weer oor ons skouers vou.   

©adéle theron
6
Adéle se plek / Ons mooi land brand
« Last post by adele on October 20, 2020, 05:13:14 PM »
Ek kry geen afdeling waar ek hierdie verskriklike gebeurtemisse kan deel nie en al lê dit die sosiale media vol, kan ek nie daar oral sê hoe ek voel nie. Seer, stukkend vir ander (Kleinklein bietjie vir onsself, maar ons skade is 'n druppel vergeleke hiermee) woedend, angsbevange, in gebed verlore, stry teen vloek en skel, weer gebed om vergifnis, huil saam met groot manne .....

"Skrikwekkende tonele speel tans in die Vrystaat af waar duisende hektaar weiding in die distrikte Hertzogville, Boshof, Dealesville en Bultfontein in verwoestende brande vernietig is. Die brande het vermoedelik ontstaan na betogers buitebande en ’n stuk veld buite Hertzogville aan die brand gesteek het. Honderde stuks vee waaronder beeste en skape is dood of moes van kant gemaak word. Rooibokke, blesbokke en swartwildebeeste moes ook geskiet word. " Die spul het glo betoog omdat boorgatwater brak proe  :crybaby2:  :dontknow:  :crybaby2:

https://web.facebook.com/suikerbosrant/posts/899049380501278
https://web.facebook.com/photo?fbid=3858895064139759&set=pcb.10165056852700713
https://web.facebook.com/watch/?ref=search&v=261724185256920&external_log_id=db1f75e7-e4ab-46d1-983c-82ed54d0eab7&q=hertzogville

net enkele links .... ek weet nie of dit sal oopmaak nie.

7
Helpmekaar / Re: Demensie - Sambreel van 'n breinmoordenaar
« Last post by Meraai vannie Baai on October 14, 2020, 11:21:52 PM »
Hoekom demensie lyers weier om te eet of drink:

Een van die ontstellendste fases gedurende die versorgingstydperk van demensie-lyers is wanneer die persoon opgehou het met eet of drink. Ongelukkig is dit dikwels 'n natuurlike deel van die verloop van die siekte. As versorger is dit belangrik om sommige van die oorsake van hierdie stadium van die siekte te verstaan en wat dit beteken vir die persoon vir wie jy omgee.

In die gevorderde stadium van demensie ontstaan probleme om te kou of te sluk. Om te eet en drink is 'n komplekse proses wat die beheersentrum in die brein en sterk spiere in die nek en keel insluit. Namate demensie vorder, beïnvloed dit hierdie gebiede en veroorsaak simptome wat dan deur versorgers waargeneem word. Hierdie simptome sluit in: hoes of verstikking, keelskoonmaak, geluide maak tydens die slukproses, oordrewe bewegings van die mond of tong, weiering om te sluk of om voedsel in die mond te hou en selfs om die kos uit te spoeg.

Dit is dus te verstane dat versorgers bekommerd gaan raak oor hulle geliefdes en wonder of hulle gaan sterf weens honger of dors?

In die eindfase van demensie, wanneer hierdie fase gewoonlik ontwikkel, neem die behoefte aan inname van voedsel en vloeistof geleidelik af met verloop van tyd en het die liggaam reeds begin aanpas. Die aktiwiteite het gewoonlik ook afgeneem, dus hoef die persoon nie soveel kalorieë in te neem nie. As versorgers dit verstaan en die aktiwiteitsvlakke waarneem, kan dit die versorgers help om te verstaan waarom daar nie soveel kos of vloeistof nodig is nie. Mediese hulp kan verkry word om waarnemings te doen en die versorger te verseker dat ontwatering nie 'n faktor is nie, of stappe doen om te help.

Wat is kunsmatige voeding en hidrasie ( Artificial Nutrition And Hydration - ANH)?

ANH verwys na enige metode wat gebruik word om voedsel en vloeistowwe te verskaf aan diegene wat nie in staat is om voedsel te sluk of deur die mond in te neem nie. ANH word gewoonlik toegedien deur 'n voedingsbuis wat deur die neus in die maag gaan, maar dit kan ook gedoen word deur 'n buis wat direk na die maagwand gaan.

Vloeistof word ook binneaars toegedien of onderhuids onder die vel geplaas. Soms is ANH moeilik vir die persoon met demensie. Gedwonge voeding in hierdie fase is 'n punt vir 'n debat in die versorgingsproses en word nie aanbeveel nie.

Gesondheidswerkers en versorgers wat verstaan dat dit 'n normale deel van die siekteproses is, kan teen ANH besluit. Om die voedingsbuise in te sit, is ontstellend vir die persoon met die siekte wat aan die buise kan trek en soms dan in die proses ook uittrek. Hierdie plekke kan maklik besmet raak en die gevaar van infeksies verhoog. Die persoon wat met demensie leef, verstaan kan dalk glad nie verstaan waarom hulle in die hospitaal moet wees vir die prosedures nie en kan onsteld word weens die onbekende omgewing.

Onlangse studies dui daarop dat die toedien van voedsel en vloeistowwe deur ANH meer skade kan doen as goed.

Die gee van voedsel deur 'n buis verander nie aan die hoes of verstikkingsproses nie. Soms kan vloeistowwe in die longe beland wat longontsteking veroorsaak. As die persoon bedgebonde is  verminder dit mobiliteit, bevorder dit swakheid en veroorsaak ontwikkeling van gevaarlike infeksies soos o.a bedsere.

Die jongste studies toon dat een derde van die mense met gevorderde demensie wat 'n voedingsbuis het, binne een maand sterf.

As versorger is die grootste kommer dat die persoon met demensie nie ly nie. Sodra ons verstaan dat dit 'n normale deel van die siekte is, word dit makliker om te sien waarom die persoon nie meer nodig het om soveel te eet of drink nie. In die meeste gevalle sal hulle geen teken toon dat hulle honger of dors is nie, maar as hulle dit wel toon is dit nodig om mediese hulp te verkry sodat aanbevelings gedoen kan word oor watter tipe alternatiewe voeding die persoon moet ontvang om te verseker dat hulle nie honger of dors is nie en so gemaklik moontlik gemaak word.

As die persoon wil eet of drink, maar sukkel om te sluk, is dit belangrik dat 'n gesondheidswerker/mediese personeel/spraakterapeut die vermoë om te sluk ondersoek. 'n Gebalanseerde dieet in hierdie stadium is nie so belangrik nie, bied eerder voedsel en vloeistof aan die persoon wat met gemak gesluk kan word. As hulle net soetgoed of koue goed wil verkies is dit wenslik om toe te gee aan die versoeke.

Wat kan ek doen om te help?

Eerstens moet versorgers enige fisiese probleme soos mondsere, tandpyn, te los kunsgebit, infeksies of medisyne wat eetlus kan beïnvloed, uitsluit. Probeer dan om die aangebode kos of vloeistof na behoefte te verander.
Gee sagte, maar smaaklike kos wat minimaal gekou moet word en in verskeidenheid temperature by elke maaltyd.
Vermy harde voedsel met 'n growwer tekstuur en gemengde voedsel soos graan.
Gebruik kleiner toebehore en spesiaal ontwerpte drinkbekers.
Laat die persoon in 'n gemaklike posisie regop sit.
Laat ekstra tyd toe, want dit 'n tydsame proses word maar sal die moeite werd wees as jy sien dat hulle 'n maaltyd geniet.

BRON: https://hellocaremail.com.au/dementia-stop-eating-drinking/?fbclid=IwAR3VCMCslK6JMP12rI43b6nlO351JDWCdR57JSgjQAKJagtrF0blJEhUR88
8
Helpmekaar / Re: Demensie - Sambreel van 'n breinmoordenaar
« Last post by Meraai vannie Baai on October 14, 2020, 10:44:24 PM »
Slukprobleme in Alzheimer's versus vaskulêre demensie.

'n Kliniese studie wat in Korea voltooi is, het die slukprobleme van mense met Alzheimer's in die laat stadium vergelyk met diegene met vaskulêre demensie en bevind dat diegene met Alzheimer meer sukkel om vloeistowwe te sluk, terwyl diegene met vaskulêre demensie meer gesukkel het om vaste voedsel te sluk.

Ook belangrik is die bevinding dat mense met frontotemporale demensie gedragspatrone toon wat hulle voedselverhouding beïnvloed. Sommige mense sal neigings toon om kompulsief te eet, voorkeur vir lekkers ontwikkel of baie vinnig eet, kos in hul mond bly druk totdat hulle verstik. Hierdie kennis is belangrik om te onthou in besprekings oor die versorging van hierdie verskillende aspekte van die siektes.
9
Helpmekaar / Re: Demensie - Sambreel van 'n breinmoordenaar
« Last post by Meraai vannie Baai on October 14, 2020, 12:06:40 PM »
Ek wil graag hierdie kosbare bydrae deel van Derek Harris op die Demensie forum in Suid Afrika:

I have accepted that my wife is gone but we didn't have the funeral yet.
Dementia has taken her and all that is left of her is her beautiful soul and a mangled brain and body. I give her love and emotional support which is much needed in her cruel world. I loved her for who she was and also love my earth angel for who and what she is today.


#Dementia/Alzheimers.

 :crybaby2: The long goodbye indeed.
10
Helpmekaar / Re: Demensie - Sambreel van 'n breinmoordenaar
« Last post by Meraai vannie Baai on October 13, 2020, 11:00:46 PM »
En so het die 11 weke van ons kursus ook verby gegaan en het die volgende een "Preventing Dementia" 'n aanvang geneem. Dankbaar vir die voorreg om vertroubare inligting te kon bekom en deel met my sus wat ons moederlief versorg. Ek het weer besef hoeveel mag is daar in kennis. Die wete dat ander deur dieselfde probleme worstel en weet wat om volgende te verwag het nie die versorgingstaak makliker gemaak nie maar sy het besef dat die optredes as gevolg van die siekte is en 'n pad volg sonder omdraai geleenthede.

Sy weet nou dat dit nie help om 'n persoon met demensie 'reg te help nie'. Jy stem saam, speel saam en word deel van hulle verwarde leefwyse.

Jy help soek na trouringe wat 65 jaar gelede aan 'n vinger gesteek was en vir jare al weg was maar blykbaar net gister nog aan haar vinger was... byt op jou tande as jy beskuldig word van die diefstal en pleit dan skuldig want jy ken die kringloop van verwarring. More is dit weer haar tandeborsel wat jy gevat het  :icon_biggrin:

Pages: [1] 2 3 ... 10