Kom skryf saam in jou eie plekkie => Kom deel jou woordwerke => Adéle se plek => Topic started by: adele on January 02, 2020, 06:28:33 PM
Title: ná milde reën
Post by: adele on January 02, 2020, 06:28:33 PM
ek stap ná milde reën langs velde vol vygies wat toevou wanneer als binne jou verdonker maar juigend oopmaak uitsprei in malse kleurespel wanneer sonlig jou hart omarm liefde jou wese vul oor die vaal damwal stort en wegvloei om elkeen wat jou sfeer binnekom langs jou lewe aan te raak
Title: Re: ná milde reën
Post by: Meraai vannie Baai on January 16, 2020, 01:54:38 AM
Liefste mater ek gaan hierdie pragtige bydrae van jou ook uitstal by ons praatverse :book1: :notworthy: :icon_salut: Dit sluit nou aan by die wat ek reeds van jou geleen het: http://forum.afrikaanseforum.co.za/index.php?topic=4338.msg29605#msg29605
Title: Re: ná milde reën
Post by: PM on September 13, 2021, 12:55:53 AM
en loop ek vandag in die kwekery en sien die "malse kleurespel" van die vygies, hoog in die blom en ek weet, my matertjie weet van woorde, van gevoelens, van karakter. Hierdie forum van ons sal so arm wees sonder jou! Dankie dat jy deel lief Adele.
Title: Re: ná milde reën
Post by: adele on September 13, 2021, 06:10:52 AM
Liewe vriendinne... Julle ondersteuning onder my arms is so gereeld voorop in my gedagtes :love7:
Title: Re: ná milde reën
Post by: PM on September 13, 2021, 09:28:47 AM
Dit kom uit die hart uit lief Vriendin. :love7:
Title: Re: ná milde reën
Post by: adele on September 13, 2021, 09:46:57 AM
Dankie baaaaie, ek weet en waardeer dit soooo baie. Nog so klein stukkie prosa met groot nuus wat na al die jare na my kant toe gekom het.... My prosa vir VLU vir vanjaar het op die area konferensie begin van die jaar 4de gekom, maar is deur na verlede week se streekskongres in Bloemfontein waar ek eerste plek gekry het. Nou gaan dit deur na die SA byeenkoms in Pretoria. :love7: :love7: my vorige beste in Bloemfontein was 4de.plek.
Maar weer wys dit dat as ek ook dun nerfies gehad het, ek nooit daar sou kom nie, want met geen naskoolse Afrikaanse studies of skryfopleiding nie, kom als wat ek weet van julle groep af, van Woes se dae al. :love7: :love7: :toothy4: :toothy4: :love7: :love7:
Title: Re: ná milde reën
Post by: Naas on September 13, 2021, 10:07:10 AM
Title: Re: ná milde reën
Post by: PM on September 13, 2021, 10:07:47 AM
Baie geluk Adele. Jy is 'n ster. Enige ou kan toe-oog sien hoe ongelooflik jou werk gegroei het. Die Vroue Landbou Unie doen goed vir kuns in die algemeen. Dit is net jammer dat hulle op die agtergrond is hier in die stede.
Title: Re: ná milde reën
Post by: adele on September 13, 2021, 11:46:13 AM
Maar stede-vroue kan mos nie landbou nie :toothy4:
Title: Re: ná milde reën
Post by: adele on September 13, 2021, 11:52:18 AM
O ja, ek wou nog byvoeg dat Jaco Jacobs nie weet wie is ek nie, maar ek weet wie is hy en ek dink die wêreld van sy uitstekende kinderboeke. Hy was die beoordelaar van ons prosa in Bloemfontein :hello2: vir hom.
Title: Re: ná milde reën
Post by: PM on September 13, 2021, 11:57:55 AM
Is daar 'n kans dat ons ook jou prosa te siene kan kry? Dit is goed dat die beoordeellaars jou nie ken nie. Dit maak net seker dat jy op eie meriete (verdienste) gewen het.
Title: Re: ná milde reën
Post by: adele on September 13, 2021, 12:22:56 PM
Ek sal probeer onthou om dit te kom plaas na afloop van alles. Dan mag ek mos :love7: Al kry ek daar die minste punte, sal ek darem weet iemand het dit goed geag :wave:
Dis nogal baie verwarrend wanneer elke beoordelaar se emosies en gevoelens van die volgende verskil. Dis dieselfde met enige iets wat nie soos 2+2=4 presiese puntetellings kry nie. Naaldwerk-items of gebak en konfyt, foto's of skilderye en blommerangskikkings kan ook nie alles in elke persoon se smaak val nie. Daarom moet spelling en sins/paragraaf-konstruksie ten minste perfek wees, al verskil jou storie hemelsbreed van 'n ander s'n.
Title: Re: ná milde reën
Post by: PM on September 13, 2021, 12:54:31 PM
Jy laat my nou dink aan die seun wat baie ongelukkig was omdat hy nie 'n plek in die resies gewen het nie. Sy pa sê toe vir hom dat die belangrikste was dat hy aan die resies deelgeneem het en dit voltooi het. Ons sal geduldig wag, soos Raaitjie seg, ek boek my plek!
Title: Re: ná milde reën
Post by: PM on November 18, 2021, 07:14:44 PM
Hier sit en wag ek nog steeds! Kom deel dit met ons asseblief Adele. Asseblief!
Title: Re: ná milde reën
Post by: adele on November 18, 2021, 08:34:23 PM
Liewe vriendin, ek het nog nie weer kans gehad vir inloer nie, vanoggend was die eerste keer. Ek was so rukkie uit aksie maar kom nou by. Ek het in pretoria 84% vir daai prosa gekry. Ek gaan die nou kom plaas. Dankie baie vir julle ondersteuning :wave: :toothy4:
Title: Re: ná milde reën
Post by: PM on November 19, 2021, 04:58:22 AM
Dit is 'n pragtige prestasie, ek is trots op jou. :hello2: