Die Afrikaanse Forum
Digkuns => Diguitdaging => Topic started by: PM on October 11, 2018, 04:19:16 PM
-
Kom skryf 'n gedig oor diere. Enige dier. Afrikaans of Engels. Net so lank as wat jy wil. Enige struktuur. Kom speel saam. :hello2:
:wav:
-
klipplate se dassies
toegewaai deur dik lae stof,
skarrel spoortjies
kruis en dwars
al agter dassies aan
tot waar hulle verdwyn
agter klip en bos.
©adéle theron
-
'n Vark
is 'n vark
-
Pragtig Adele! Anton jou weergawe van 'n diere gedig het my lekker laat giggel en onwillekeurig aan Jan Verwey se vark laat dink:
Jan Verwey het ’n vark gekry,
Hy’s nie klein nie,
Hy’s nie groot nie
Hy’s lewendig
en nie dood nie
Hy snork en snork sê Jan Verwey
Hy’s die regte vark vir my.
-
giggellll mal oor Jan Verwey se varkstorie
-
Julle is baie goed hoor! :hello2:
Ek sit net hier en wag vir nog. Intussen probeer ek ook iets skrabbel so tussen erge maagkrampe deur. :icon_scratch:
-
Ons liewe PM het 'n plaas
Hou jy verby kry jy sommer raas
Dus pen ek maar my diertjie vas
En hoop om PM te verras
KATALOGUS
In hierdie huis kan jy nie trap
Sonder 'n wolhaar onder hak
Dink mooi waar jy jou voet gaan plaas
In hierdie huis is katte baas
En roep natuur vir een of twee
Dink ma verniet, o wee, o wee
Dat sy minuut, of twee of vier
Vergun word, kat se kind is hier!
My kieliebaard die moet jy streel
Maar net so lank ek aanbeveel
Want duur dit langer - hoor vir my
Dan kry ons tweetjies lelik stry
Saans as ons lekker lepel lê
Ag, wat kan ek nou meer wil hê?
Vang ek die grootste slaapdroom muis
En sleep hom stertlangs na ons huis
Ons almal, al vier wat hier is
Weet hierdie: dis beslis gewis-
Dit is die kattehemel, hier
En plek beslis beperk tot vier
Is ons tevrede, vra jy my?
Beter sal ons nie sommer kry!
Ons spinmasjientjies werk oortyd
Van stille kattevredenheid!
-
Ek spin soos jou wolhaar-hartspunte :bootyshake: :hello2: :headbang: :icon_salut: :book1:
-
:hello2: Baie dankie Nooi, jou boete is betaal.
Dit is 'n pragtige gediggie, ek sien jou en jou katgeliefdes snoesig in die bed.
Ek lief die titel van jou gedig.
-
Dankie, PM en Meraai. Ja, PM, om hierdie huis deur te loop is omtrent soos om deur 'n Kat katalogus te blaai. Ek het lekker met die woord gespeel. Dis sommer maar net 'n rymversie. Maar ek dink, ten spyte daarvan dat katte uiters spirituele wesens is, (dink ek nogal) het 'n katversie hom nie geleen tot dieper vrae nie. Hie hie
-
Dink net, as dit nie was dat ons forummoeder jou beboet het nie, was hierdie puik gedig dalk nooit gebore nie :crybaby2: Ons het mekaar nodig! Sela.
-
Ek is mal oor jou "rymversie" Anastasia. Dit is in goeie gees gedoen en ek lief jou daarvoor.
-
Hier is ‘n kwikkie
met 'n skerppuntbekkie,
kieriedun beentjies
en 'n lang, lang stertjie!
Hy wip rond
hop-hop hop
en pik na 'n saadjie in die stof.
Sy ogies mis niks
na links en na regs,
want vir kat se kind
is hy glad nie lus.
Fyn is sy lyfie
wel ingestel op gevaar,
en waarsku hy vir vroulief
nog voor hy ‘n aanval gewaar.
©adéle theron
-
Baie goed gedoen Adele, ek sien jou daar op jou stoep sit en voeltjies kyk en versies skryf. Ek lief dit.
-
Net voor ek kooi toe gaan, gou kom loer. Pragtige dierevers mater.