Die Afrikaanse Forum

Digkuns => Digformules of -strukture => Topic started by: Meraai vannie Baai on May 24, 2018, 01:43:32 AM

Title: Personifikasie Struktuur
Post by: Meraai vannie Baai on May 24, 2018, 01:43:32 AM
Personifikasie ('n vorm van beeldspraak) kan ingespan word om natuurverskysels/diere/plante of abstrakte voorwerpe, toe te dig met menslike eienskappe. Dit is een van die digter se geurigste kruie en speserye.

Insomnia
Hekse in stergewaad
verrys vanuit gapende grotte
slu swaai towerstokke onverpoosd
slaap verdwyn; sluip tussen donker skare
van sekondes, minute, ure en sterf dag vir dag
in triomferende sirkelgang          nimmereindigend


Asemdief
As ongenooide gas
het jy jouself stil-stil kom tuismaak
in hartskamers en longare is lewenskwaliteit verkrag
sonder kaart of transport het jy terminaal teen (m)ure geverf
met organiese plundertog word elke asemteug geboeie agtergelaat
en in appèlhowe ontvang jou verslae slagoffers hul lewenslange vonnisse.

Uitslag: (Ab)normale selle
Daglig -  slegs 'n tonnel
na die duister van onsekerheid
en vrees - 'n serp, geweef
met die laaste kleure van die son
wat wurg om menswees krom;
die maan - 'n sekel teen die hemel...

Rolbos tolbos
Winde uit vergange pluk verwoed
aan snare van tolbos emosies

wat prikkend, steeks bly kleef
teen menswees-heinings broos

waar onkruidgedagtes
stekelrig opgehoop, vrede verlam

maar laatreën baar weer seën
en hoop ontkiem vlindersag uit die niet.

© Meraai vannie baai
Title: Re: Personifikasie Struktuur
Post by: Naas on May 24, 2018, 05:33:17 AM
Pragtig. Ek sal moet slaap oor die een.  :hello2: :love7:


 :icon_bigsmurf:
Title: Re: Personifikasie Struktuur
Post by: Meraai vannie Baai on May 24, 2018, 05:47:49 AM
My plek geboek Naas  :notworthy: by voorbaat dank  :icon_salut:
Title: Re: Personifikasie Struktuur
Post by: Meraai vannie Baai on May 25, 2018, 12:03:42 AM
Hierdie twee strukture was saamgestel uit 'n bydrae wat ek op FB by die asemdief-blad wou plaas en toe daarteen besluit het omdat dit  te persoonlik gevoel het  :icon_biggrin: Vanoggend het ek die moed bymekaar geskraap en dit wel geplaas, asook by die PH artikel hier op die forum.
Title: Re: Personifikasie Struktuur
Post by: Naas on May 25, 2018, 05:43:54 AM
Snoesig toegevou in 'n Hoopkaros
trippel hartseer lyne
vanoggend
deur my beenkamer
terwyl omgee kinders
emmers water
deur oogvensters stort.


 :icon_bigsmurf: :icon_bigsmurf:
Title: Re: Personifikasie Struktuur
Post by: Meraai vannie Baai on May 25, 2018, 06:02:17 AM
O my glorie, ek is so ongelooflik dankbaar dat ons weer woel met strukture anders was hierdie skepping van jou dalk nooit gebore nie. Na ek gelees het, sit die ouvrou met haar hand voor die mond en sluk teen 'n knop in my keel.
 :book1: :hello2: :notworthy: :icon_salut:
Title: Re: Personifikasie Struktuur
Post by: PM on May 27, 2018, 11:59:44 AM
Julle is te oulik!  Moet net nie ophou nie!
Title: Re: Personifikasie Struktuur
Post by: Meraai vannie Baai on October 04, 2018, 01:25:33 AM
Ons wag op jou voorbeeld forummoeder PM  :`ip2: :nono: :book1:
Title: Re: Personifikasie Struktuur
Post by: PM on October 05, 2018, 02:15:19 PM
Julle is uitmuntende skrywers en ek voel net 'n poep en 'n baksteen hoog in vergelyking.   :notworthy:
Title: Re: Personifikasie Struktuur
Post by: Meraai vannie Baai on November 15, 2019, 05:04:38 AM
Lees ek oor 'n gas se skouer en gaps hierdie pragtige voorbeeld van Angelica  :book1: :love7: :hello2:


Gisteraand se geheimpies

Geheimpies vou oop
soos goggavlerkies
terwyl die nag sy spikkeltjiekleed
teen die hemel gooi
Swarovski op blou fluweel
Die maan kyk nuuskierig toe...
skud net sy kop

©
Title: Re: Personifikasie Struktuur
Post by: PM on March 12, 2020, 02:38:00 PM
Geniet ek weer.   :love7:
Title: Re: Personifikasie Struktuur
Post by: Meraai vannie Baai on September 15, 2021, 01:06:27 AM
Ons eie Langenhoven Naas het 'n pragtige gedig vasgepen en dit is nou gegaps om ook hier te deel by ons personifikasie struktuur. Ek is gaande oor die gemaklike rymvorm.

In die lande vol gewasse
dans die krieke met kamaste
en die lieven heren besies
gooi hul lyfies rond in essies

In stokkerige aandag rye
staan kaalgat wingerde op wag.
Terwyl die goudgeel canola koppies
reeds brander in hul lentedrag
buig die grasgroen koringlande
laag onder sappig waterdrag.

Berge met hul koudwit koppe
kyk statig oor die kleureprag
waar eersdaags lente vreugde
vir koue winterweer sal lag.
©
Title: Re: Personifikasie Struktuur
Post by: PM on September 15, 2021, 12:25:22 PM
Jou ou doring!   :notworthy:   Ek wens ek kon so mooi skryf.   :dontknow:
Title: Re: Personifikasie Struktuur
Post by: Meraai vannie Baai on September 18, 2021, 03:22:50 AM
'n sonstraal trippel rond
op die kleindorpie-werf,
klop aan 'n venster
om die slaap binne te bederf,
wanneer die wind
liggies aan die gordyne pluk
klim hy skelm deur
die venster, heel in sy skik!
in die koel oggend
kom sprei hy wyd oor ons
en koester ek die liefde
wat uit jou oë tot in my hart bons.
© Adéle

 :toothy4: :book1: :notworthy: