Die Afrikaanse Forum
Die kuierstoep => Die Foltergrot => Topic started by: Meraai vannie Baai on October 28, 2015, 12:23:53 PM
-
Ouens ek raak moeg om met myself hier op die forum te gesels :toothy4: Dankie vader vir besoekers wat nog lees anders het ek ernstige bedenkinge gehad oor ons kuierplekkie :crybaby2:
-
Se ek ook mos. Ek het lankal stilstuipe. Smaak my die ander het nou nuwe selfbeelde van maargeit nou wil hulle nie met ons diklitte praat nie.
Ek bestel sommer 'n Banting pizza met chips. :dontknow:
:icon_bigsmurf:
-
:-)
:hello: Ek het ook nie regtig op die oomblik iets om te sê nie.
-
Klop klop, Naas hier is 'n persoonlike aflewering vir jou hoor. Die chips het ek oppad na jou toe self verorber :icon_bigsmurf: Sorrrry!
(http://i847.photobucket.com/albums/ab33/raaitjie/verneukpizza.jpg) (http://s847.photobucket.com/user/raaitjie/media/verneukpizza.jpg.html)
Fransi dankie vir jou stil-inloer :toothy4: :notworthy:
-
mmmmmm, vir daai pizza kom ek aangedraf ... :toothy4:
-
Ek't vir jou twee stukkies uitgehou Adele :love7:
-
Ai toggie tog. Nou het ek weer op die sleutelbord gekwyl. Sien julle later, gaan net eers gou my skootbrakkie in die wasmasjien gooi.
:icon_bigsmurf:
-
Ons het diekant 'n advertensie wat die dogter vir haar pa 'n tablet koop. Dan vra sy hom hoe vind hy die nuwe tablet? Sy staan met haar rug na hom toe... hy voor wasbak en kraan loop. Besig om die tablet af te spoel wat hy soos 'n broodplank gebruik het :headbang:
-
:icon_biggrin:
-
Ag hier is ek ook nou. Daai pizza sal dalk nog 'n paar ouens lok. :snorting:
Daar sien ek ook nou hoeveel keer hier al gelees is. Dit is seker maar hoe dit werk nê, daar is lesers en dan is daar skrywers. :evil6:
-
Lesers en skrywers... kom loer ek vandag hier op my eie pos in oor die skouer van 'n naamlose gas :icon_biggrin: Vanaand is daar nie weer pizza op die Lock menu nie maar wel tuisgemaakte maalvleis en kapokaartappel pasteie. As jy gou oorkom is daar nog agt oor van die oorspronklike twaalf :icon_biggrin:
(http://i847.photobucket.com/albums/ab33/raaitjie/Patato-top-pie.jpg) (http://s847.photobucket.com/user/raaitjie/media/Patato-top-pie.jpg.html)
-
Ek hoop nie ek is te laat nie! Dit is my gunsteling kos.
Dankie vir die deel matertjie.
Ek is eintlik bly ek eet nie elke dag van julle tafel af nie, want ek sou so vet soos 'n vark gewees het, sou julle skoon uit die huis uitge-eet het.
-
Net betyds PM :sign10:
-
En hier sit ek, gesels alweer met myself. Wat die buurtannie moet dink weet ek nie want skielik onthou ek dat Adele vertel het van Anton se 'ween hoekie' by die kampforum en giggel kliphard. Ons weergawe is 'die foltergrot'. Dalk moet ek 'n spieel bokant my tikker hang sodat as ek opkyk en alleen voel, iemand vir my loer.
:toothy4:
Hopenlik met 'n glimlag wat my herinner dat dit nou pure nag by julle is en daar weer 'n paar woorde iewers gaan verskyn sodra die son ons groet en by julle kop uit steek. Ek los 'n mandjie met drukkies.... as jy hier verby kom, neem asseblief soveel as wat jy nodig het hoor!
-
Nee Ta Raatjie is nie alleen nie. Die verdomde sandman het my ook al weer oor den hoofd gesien en die buurman se hond jaag laasjaar se inbrekers al om die huis. Maar dis naweek en ek het niemand hier verwag nie. Nou kwart oor een hier by ons...
Snaaks is ek vaak en moeg maar slaap boer op ander plase.
:icon_bigsmurf:
-
Oe lieven loven Naas, ken ons nie daai gevoel wanneer die slaap jou ontwyk nie. Liggaam gedaan maar die oomblik is jy jou oge toemaak is dit asof 'n lig in jou brein aangesit word. Nou weet ek wat gebeur met slaap - dit boer op ander plase en laat my oor aan myself wat veroorsaak dat die skaal alweer gaan oorhel na die verkeerde kant toe want as ek so wakker skrik gaan staan ouvrou voor die oop yskas...dalk moet ek liewers kalorie tel as skape!
-
'dalk moet ek liewers kalorie tel as skape!' Daai een is nou 'n slim plan vir my ook! Ag, my lewe was 'n stryd teen die koloriee. Maar deesdae ontwyk die eetlus saam met die slaap vir my. Mens moet eet en geniet terwyl jy kan! Ek het vroeg hier kom lees, maar antwoord eers nou na paar takies afgehandel is. Goeie more ook aan almal daar.
Naas, ek lekker gelag, ek is mos 'n prentjiemens. Ek teken prentjies in my kop soos regte outydse movies. Gesien hoe die buurman se hond laasjaar se inbrekers moeg jaag!
-
Liewe vriende en aardsgenote. Hierdie waarvan julle praat is baie algemeen. Ons noem dit "staar siekte" en dit is nog een van kampforum se unieke woorde / beskrywings.
Baie van ons lede sukkel met die ding waar hulle in middernagtilike ure geen oog kan toe maak nie en maklik vir 2 tot 3 ure sit en staar!
Ek is natuurlik baie gelukkig dat ek nie sukkel met hierdie staar siekte nie. Hulle wil my nie glo nie, maar ek is oortuig dit is al hulle / julle gewetes en dinge wat pla! :icon_scratch:
My moeder, sendeling in Bulgarye, is natuurlik van die geloof dat as mens so in die middel van die nag wakker "gemaak" word, dan is dit die Here wat met jou wil gesels :angel8:
-
Jy het 'n wyse moeder Anton. Lief die 'staarsiekte' uitdrukking :notworthy: :icon_salut:
-
Staar siekte, Ster siekte. Wanneer ek so in my eie skedel hoereer in die nag tel ek sterre. Ek is nou besig om my vorige twee pogings te kontroleer want dit smaak my daar het twee sterre verdwyn die tweede probeerslag.
:icon_bigsmurf:
-
Naas, Naas, Naas :toothy4:
Hoereer sal ook nooit weer dieselfde betekenis he - ek gaan elke keer 'n skedel sien. Op hierdie stoute noot, gestrik en gedas, kom ek vanaand groet vir eers. My wederhelf is more op die Sondag af vir 'n slag en ek gaan tyd spandeer met hom. Die ou woel arig op die elektriese lande vir 12 ure lank met kragtige saad, 7 dae 'n week en nou is verpligte rustyd tydens hulle twee maand lange shut ... genade daar het ek die wraggies alweer die mooi Afrikaanse woord vergeet vir dit.
:icon_bigsmurf:
-
Hê hê, dit is uitskakeling. Hulle noem dit so omdat die kragopwekkers afgeskakel word. Terselfdertyd word die skakeltuig ook nagesien.
Staarsiekte? Nee wat, ek gryp 'n boek en lees dit totdat ek vaak word. Soms gebeur dit eers sesuur in die oggend, want dan moet ek mos opstaan!
Naas, gaan sit op die stoep en dan kyk jy na die planete wat in 'n ry lê.
Venus, Jupiter, Saturn and Mars. Late August features Mercury before sunrise.
https://www.theguardian.com/science/2016/jan/20/five-brightest-planets-appear-in-straight-line-from-horizon-to-the-moon
-
*Forum 0 vers 0: "Waar een of twee kampvure nog brand, skyn 'n liggie dapper." :icon_biggrin: :book1: :notworthy:
*Voetnota: Waar is julle? Ek kamp alleen op die forum saam Anton en sy gesin. :icon_biggrin:
-
Wel daar aan ons kant is dit ook maar nog stillerig. Ek het gister 'n nuusbrief uitgestuur en 'n 2% "automatic reply" gekry van mense wat aandui hulle is eers terug op kantoor die 7de! 2% is baie hoog! Lyk my meeste sloer nog en geniet die laaste paar daggies van verlof.
Selfs ek slaap tot 7am in die oggende - dit is baie ongewoond. :sleepy1: :icon_scratch:
-
Diekant van die aardbol is die ouens seker meer geldhonger - dit woel en werskaf alreeds vanaf die 2de Jan :icon_biggrin: Glo en vertrou ons sal binnekort darem seker weer drie lede wees wat inloer lol.
-
Soos gewoonlik die tyd van die jaar dra Naas sy swart jas.
My skoonseun is net voor kersfees gediagnoseer met n baie agressiewe kanker in sy dermkanaal. Die gewas is verwyder en twee tiepes chemo begin Maandag. Ek self was tien dae in die bed met longontsteking. Gelukkig in my vakansie want ek het elk geval nie geld gehad om my motor te start nie. Ek HAAT Desember vakansies en die feestyd.
Die versteek wat ek kom is ander se fotos op FB.
Ek is darem dankbaar dat julle dit geniet het. Gun dit vir julle. Doen so voort.
:icon_bigsmurf:
-
Ai Naas, ek is so bitter jammer om te hoor van jou skoonseun en jou eie gesondheidsprobleme. Dink aan julle mater. Pas jouself mooi op groot asb. Die groot K bring ongelooooflike trauma mee vir almal wat omgee en liefhet. Drukkie vir jou mater.
-
Naas, ek wonder hoe dit nou daar by julle gaan in die mooie mooie Kaap? Sterkte en 'n drukkie weereens vir julle almal mater :love7:
-
Ek is nou al my 4de dag met amptelike verlof (verlede Vrydag was oortyd-af gewees) maar ek is nog steeds heerlik wakker net voor 5 elke oggend. Gister het ek darem ge-niks, ge-verlof in oortreffende trap. Het heeldag gesit en griffels skuur en skaaf en ge-tee. Laatmiddag draai plaas toe gery waar dit nog waternat is (kan seker nie 'n ander nat wees nie) maar dis so mooi.
Ek deel jou mammie se siening, Anton, geen niks anders nie, behalwe as dit satansliste is wat jou wakker hou. hy is geskool daarin om jou te wakker wanneer jy niks het om oor te kommer nie en dan 'n kommernis te brou. En daarvoor is daar net een kuur ... gesels met die Herder, sing 'n loflied in jou hart. Ek wakker gewoonlik dan soggens met die wete ek wou nog dit en dat met ons VaderHeer gesels het, maar het so stil weer slaapgeraak.