Die Afrikaanse Forum

Die kuierstoep => Kom kuier saam => Topic started by: Stof on April 01, 2011, 03:00:20 AM

Title: Die woord "Mos"
Post by: Stof on April 01, 2011, 03:00:20 AM

Nee, nie die groenigheid wat in klam skadukolle groei nie.

Mos is ook 'n kort woordjie.  Seker die sagste kragwoord in Afrikaans.  Tog, baie effektief.  'n Woord wat seerder kan steek as menige kru kragwoord.

Hoe steek hierdie woord?
Ek het jou MOS gesê!  (lees: Jou onnosel mens, jy moes van die begin af geweet het jy is my intelektuele mindere...)

Hoe manipuleer hierdie woord?
In 'n supermark:  Liefie, hierdie is MOS daardie toebroodjiesmeer waarvan jy so baie hou, nie waar nie? (Lees:  Jy durf nie nou met my verskil hieroor nie, ek wil dit koop en ek gaan dit koop.  Anders...)

Kom deel jou ervaring van hierdie klein woordjie hier met ons.

Title: Re: Die woord "Mos"
Post by: PM on April 01, 2011, 09:48:16 AM

Stof,  jy prikkel my lagspiere vroegdag.    :icon_biggrin:

   Nee, nie die groenigheid wat in klam skadukolle groei nie, ook nie ongegiste druiwesap
nie!    :icon_biggrin:  Hier is altwee woorde selfstandige naamwoorde.

As "mos" ook in die plek van "inderdaad en immers" gebruik kan word, kan ek dit nie net as negatief beskou nie.  Ek sou sê, dit hang af van hoe die persoon jou aanspreek en op watter woorde hy die klem lê.    :dontknow:

Mos, 'n bywoord,  is 'n modaliteitswoord,* met die betekenis -  inderdaad (in der daad) in werklikheid, regtig, waarlik, immers, tog, trouens, soos jy weet, ens.

* Modaliteit - Wyse van voorstelling, byvoorbeeld as sekerheid, waarskynlikheid, bewering, vraag of bevel.

In die sin van die "ongeduld" wat deur die spreker uitgespreek word in die woordjie "mos", kan ek inderdaad insien dat die
aanhoorder daarvan,  'n steek kan ervaar.   Steek hom maar terug met die woordjie  "Juis!"    :laughing7:

Title: Re: Die woord "Mos"
Post by: Stof on April 01, 2011, 11:19:58 AM

Waar woorde, PM.  Die woord kan ook baie positeief wees.  Stof self is ook mos lief daarvoor om soms "mos" in bepaalde kontekste te gebruik.

Wie wil nog saamgesels?  Hier kan dit net lekker raak!  Mos?

Title: Re: Die woord "Mos"
Post by: Naas on April 03, 2011, 11:56:54 PM

Toe ek klein was het ek in my pa se bad mos geval. Die wyn wat hy daarvan gemaak het het mos al te lekker gesmaak want ek het mos nie my doek aangehad nie en my wassertjie het ook mos nog nie lekker gewerk nie.



 :icon_bigsmurf:

Title: Re: Die woord "Mos"
Post by: bloubefoeterd on April 15, 2011, 08:06:33 PM

Lyk mos vir my of julle algar in die letterkunde spesialiseer. Ek leer baie. Wie sou nou ooit kon dink mens kan vir mos dissekteer.

Title: Re: Die woord "Mos"
Post by: PM on April 16, 2011, 07:41:14 AM

Dit is mos  heerlik om so met die skalpel taal te speel.   :icon_biggrin:

Title: Re: Die woord "Mos"
Post by: Naas on April 16, 2011, 09:09:36 AM

Dis ou Stof wat so slim is. Hy laat 'n man mos sy stof tot nadenke afstof voor hy stof in jou oe skop.




 :icon_bigsmurf:

Title: Re: Die woord "Mos"
Post by: PM on April 16, 2011, 09:46:20 AM

Het u dalk enige leesstof hieroor? 

Title: Re: Die woord "Mos"
Post by: Fransi on April 20, 2011, 12:26:18 PM

 :hello:

"Wie wil nog saamgesels?  Hier kan dit net lekker raak!  Mos?"

Myne lyk ook gewoonlik mos so half vraend, ter bevestiging.

Title: Re: Die woord "Mos"
Post by: Trapsoetjie on April 21, 2011, 12:16:20 PM

Julle is MOS nou besig om met my kop te smokkel.

 :angel12:

Title: Re: Die woord "Mos"
Post by: PM on April 21, 2011, 12:37:38 PM

Ons sal mos nooit met jou kop smokkel nie?  Sal ons?   :bootyshake: 

Dis mos mosbolletjies en mosterd wat onweerstaanbaar is. 

Title: Re: Die woord "Mos"
Post by: Naas on August 23, 2018, 04:26:51 PM

Skouerlees ek mos nou weer die storie oor 'n gas se skouer omdat hier mos weer niks anders is om te lees nie. Dis mos maar hoe dit gaan.



 :icon_bigsmurf:

Title: Re: Die woord "Mos"
Post by: Meraai vannie Baai on August 23, 2018, 11:16:05 PM

En hier kom ek ook toe mos aan - nes vla na die maal. Het darem iets in die mandjie wat ek kan deel iewers waar iemand 'n lagpil nodig het.

Title: Re: Die woord "Mos"
Post by: Naas on August 24, 2018, 05:42:47 AM

Daar's Moos mos.  :icon_cheers: :hello2: :notworthy: :headbang: :icon_salut: :icon_salut:
As mens mos so in die leë gange praat kom die eggos mos terug mos... mos...mos...


 :icon_bigsmurf:

Title: Re: Die woord "Mos"
Post by: PM on August 24, 2018, 02:54:04 PM

Dit bly mos steeds lekker om so in die gange rond te dwaal en herinner te word aan al die mooie onderwerpe wat ons al bespsreek het.