Die Afrikaanse Forum

Bak en brou => Resepteboek => Lekkers => Topic started by: PM on January 30, 2012, 11:59:53 AM

Title: Dadelbolletjies
Post by: PM on January 30, 2012, 11:59:53 AM
Dadebolletjies

Bestanddele:
25 gram botter
250 gram fyngekapte dadels
Kwart koppie suiker (60 ml)
1 Ekstra groot eier geklits
20 Mariebeskuitjies gekrummel
100 ml klapper (opsioneel)

So maak mens:

Smelt die botter oor lae hitte.
Voeg die dadels by en roer en verhit tot die dadels sag is.
Verwyder van die hitte en voeg die suiker by.
Roer tot opgelos.
Voeg 'n bietjie van die warm mengsel by die geklitste eier en roer deur.
Voeg die eiermengsel by die orige dadelmengsel en meng goed.
Voeg die Marietjieskuitjies by en meng deur.
Plaas in die yskas om af te koel.
Rol in balletjies en dan in klapper indien verkies.
Plaas in klein papier-koekvormpies en verkoel tot benodig.
50 bolletjies.
Title: Re: Dadelbolletjies
Post by: Meraai vannie Baai on March 11, 2015, 09:33:21 AM
Self 'n groot gunsteling in ons huis hierdie! Ek het dit net in blokkies gesny
en die Ausie beskuitjies effens growwer gelos.

(http://i847.photobucket.com/albums/ab33/raaitjie/Dadelblokkies_zps4a28c0fc_1.jpg) (http://s847.photobucket.com/user/raaitjie/media/Dadelblokkies_zps4a28c0fc_1.jpg.html)
Title: Re: Dadelbolletjies
Post by: PM on March 11, 2015, 09:46:05 AM
Dit kan beter werk Raaitjie.  Jy kan die "toetskombuis" hanteer vir die boek en foto's.    :toothy4:
Title: Re: Dadelbolletjies
Post by: Angelica on March 11, 2015, 07:37:04 PM
Hilda'tjie se Dadelvingers...
Hopeloos te lekker om te maak.  Ek eet hulle alles self op. Woerts-warts.