Die Afrikaanse Forum

Bak en brou => Resepteboek => Slaaie => Topic started by: Lox on November 18, 2011, 10:30:59 AM

Title: spinasieslaai met sous
Post by: Lox on November 18, 2011, 10:30:59 AM
Spinasieslaai met sous

Slaaisous

187,5 ml olie (olyfolie / sonneblom)
62,5 ml wynasyn
30 ml wit wyn
30 ml soja sous
15 ml suiker
15 ml droƫ mosterd
2,5 ml kerriepoeier
2,5 ml knoffelpoeier
2,5 ml sout
1 ml peper

Meng en skud goed saam.

Slaai

1 bossie vars spinasie
62,5 ml gekapte pers ui
4 repies spek, in klein blokkies gesny, gebraai
2 hard gekookte eiers, fyn gekap
paar skywe pers ui vir garnering

Was spinasie, droog en sny in dun repies.
Plaas in slaaibak.
Strooi gekapte ui oor.
Strooi spekblokkies en fyn eiers oor.
Plaas uieringe op.
Gooi sous oor.
Roer deur net voor dit op die tafel geplaas word.


heerlik lekker
ons gooi nie sous oor die hele bak slaai nie, gooi sous in die bord oor wat jy uitgeskep het dan hou die slaai baie beter in die yskas.

en gebruik rerige spinasie nie daai sour croud of so iets nie

Title: Re: spinasieslaai met sous
Post by: PM on November 18, 2011, 10:38:40 AM
Dit klink baie lekker.  Sodra manlief tuis is gaan ek dit vir hom voorsit.  Baie dankie Lox.
Title: Re: spinasieslaai met sous
Post by: Meraai vannie Baai on October 24, 2019, 10:59:08 PM
Stoffel ek gaps die ene. Ons is vreeslik lief vir spinasie in alle vorme!
Title: Re: spinasieslaai met sous
Post by: PM on March 25, 2020, 09:33:21 PM
Ek het hierdie slaai gemaak en dit is heerlik.   :notworthy: